फट्कारेर...बजारेर...
त्यही पुरानो
गोल्डस्टार जुत्ता 
फेरि पनि उनिने छन् 
र…
हरेक देउराली, 
भञ्ज्याङ,
र, चौतारीमा
हे ! पृथ्वी नारायण...
तिम्रै नामको ढुङ्गा चढाउन 
पवित्र दिव्य उपदेशका,
सन्देश बोकेर,
कालसँग मितेरी लाउँदै,
फिलिङ्गोहरु
अवश्य पनि झुल्किने छन् 
अनि….
एक निमेषमा सल्किने छन्
स्वाभिमानमाथि खनिएका चेक पोष्टहरु 
निर्वाङ्ग नाङ्गिने छन् 
साम्राज्यवादी, राष्ट्रघाती, अन्तर्घाती 
झ्याउ, काई र लेउहरु
त्यसपछि,
दिगो शान्तिका युगान्तरकारी दीपहरु
फेरि पनि बल्नेछ,
जनभावको सर्वोच्च सत्ता 
मुक़र्रर हुनेछ,
वैदिक सनातनीको परम्परा 
कायम हुनेछ,
किनकी...
पराधिन कदापी स्वीकार्य छैन।
जय गोरख जय काली।