बजेट, ठेक्का र नियुक्तिमा अझै कमिसन र सेटिङको गन्ध आउँछ,
न्याय र सरुवामा जब सौदाबाजी सुनिन्छ,
तब नागरिकको मनमा आश आशंका उब्जिन्छ।
परिवर्तनका नारा बोक्नेहरू नै कतै आफैं बिचौलिया त बन्दै छैनन्?
आफ्ना र आसेपासेलाई मात्र अवसर मिल्दा
खाडीमा पसिना बगाउने युवाको मन रुन्छ।

ए नेतृत्व वर्ग!
तिम्रै वरिपरि बस्ने विश्वासपात्रहरू,
कतै तिमीलाई नै गुमराहमा त राख्दै छैनन्?
नजिकैका ती अनुहारहरू नै मौका छोपेर
पार्टीको आडमा कमाउधन्दामा लागेका त छैनन्?
चेत खुला राख र चनाखो बन,
बाहिरी विरोधीले त केवल लडाउन खोज्छन्,
तर भित्रै बसेका स्वार्थी र अवसरवादीहरूले
जरा काटेर सिंगो आन्दोलन नै सिध्याइदिन्छन्।
त्यसैले कतै तिमीले बाटो बिराउन त लागेका छैनौ?
शहीदको रगत र जनताको आँसु नबिर्सनु,
नेतृत्व बहकिँदा जनताकाे दण्ड महँगो हुन्छ।

त्यसैले सधैं सजग बन,
निष्ठा र आदर्शको मूल बाटो समातिरहनु,
यावत बेथितिहरू चिर्दै निरन्तर देशकै सेवा रोज।
सजग बन,
समयमै पाइला सच्याउ,
नयाँ आशाहरू कतै निराशामा नबदलिउन्,
र जनविश्वासको यो बलियो जग सधैं सुशासनको बाटोमा मात्र अघि बढोस्!