पश्चिम अष्ट्रेलियाकाे ‘मिजरी विच’ कुनै बेला रगतले भरिएकाे थियाे। दुश्मनीहरूसँग जाेडिएकाे, हत्याकाे  पर्यायवाची याे ठाउँलाई समुद्री डाँकूहरूकाे अड्डा मानिन्थ्याे। तर, याे ठाउँ सन् २०२२ काे लागि अष्ट्रेलियाको सर्वश्रेष्ठ विच पुरस्कारबाट विजेता बनेकाे छ।

विशाल चट्टानले घेरिएकाे र शान्त पानीले भरिएकाे याे दर्शनीय समुद्र तटले लामाे समयदेखि पश्चिमी अष्ट्रेलियाकाे जहाजहरू लुट्ने दुश्मनीहरूका लागि व्हेलिङ माछा लुट्ने ठाउँकाे रूपमा परिचित याे ठाउँकाे अब परिचय फेरिएकाे छ। पश्चिम अष्ट्रेलियका समेत थाेरैले चिन्ने गरेकाे याे विचले क्वीन्सल्याण्डको ब्लू पर्ल बे जस्ता प्रख्यात उष्णकटिबंधीय समकक्षलाई जितेको छ।

अष्ट्रेलियामा संसारकै धेरै समुद्र तटहरू छन्। टुरिजम अष्ट्रेलियाद्वारा प्रत्येक वर्ष पुरस्कृत गर्ने अष्ट्रेलियाको २० शीर्ष समुद्र तटहरूको फेब्रुअरीको सुरुमा घोषणा गरिएको पछिल्लो सूचीमा  देशका प्रत्येक राज्य र क्षेत्रहरूमा स्पटहरू समावेश छन्।

मिजरी विच पश्चिम अष्ट्रेलियाकाे राजधानी, पर्थको दक्षिणतर्फ अल्बानीको सुन्दर समुन्द्र किनार केन्द्रको नजिक ४०० किलोमिटर दुरीमा फैलिएकाे छ। ३८ हजार मानिसहरूको जनसंख्या रहेको यो सहर यति पृथक छ कि यसले महामारीको अवधिभर हालसम्म कोभिड- १९ को एउटा पनि संक्रमणको घटना भेटिएकाे छैन।

यहाँ कोभिड- १९ को घटना शुन्य हुनु आंशिक कारण लगभग दुई वर्षदेखि विदेशी पर्यटकहरूका लागि बन्द गरिएको छ। र, अन्य अष्ट्रलियाली राज्यहरूबाट पर्यटकलाई अनुमति दिन कडाई गरिएको छ। अहिले पनि राष्ट्रिय सरकारले अष्ट्रेलियालाई अन्तर्राष्ट्रिय पर्यटकहरूको लागि पुन: खोल्ने तयारी गर्दा यहाँका ठूला राज्य अधिकांश गैर-राज्यीय बासिन्दाहरूको लागि बन्द छ।

महामारीको समयमा घरेलु आगन्तुकहरूमा धेरै लोकप्रिय भएको र याे पुरस्कारले भविष्यमा यस क्षेत्रलाई विदेशी पर्यटकहरूको लागि ठूलो आकर्षण बन्ने वेलिङटन बताउँछन्।

‘मिजरी विच एक सुन्दर सुनसान ठाउँ हो, यो संसारको बाँकी भागबाट धेरै टाढा भएको महसुस हुन्छ। र, मलाई लाग्छ कि यसले धेरै विदेशी पर्यटकहरूलाई अपिल गर्दछ, जो महामारीको तालाबन्दीमा फसेका छन् र वास्तवमै केही ठाउँ र प्रकृति चाहन्छन्,’ अल्बानीका मेयर डेनिस वेलिङटनले सीएनएन ट्राभलसँग भने।

सन् १८२६ मा अल्बानी पश्चिम अष्ट्रेलियाकाे पहिलाे युराेपेली बस्ती बनेकाे थियाे। १७०० को दशक अन्तदेखि ब्रिटिशद्वारा स्थापित धेरै अष्ट्रेलियाली उपनिवेशहरु जस्तै यो ठाउँ ठूलो मात्रामा अपराधी दोषीहरुद्वारा निर्माण गरिएको थियो। यी अपराधीहरू प्रायः ब्रिटिश र आयरिशहरुलाई अष्ट्रेलिया पठाइयो र अल्बानी जस्ता स्थानहरूमा श्रम गर्न बाध्य पारियो।

तर, अल्बानी शहरका लागि स्थानीय इतिहास संयोजक सु लेफ्रोयका अनुसार केही भागे। यी हताश पुरुषहरू अल्बानी वरपरका जंगलहरू र समुद्र तटहरूमा भागे र सामान्यतया बाँच्नको लागि डकैंती जस्ता अपराधको सहारा लिए। अल्बानी नजिकैको पानीमा काम गर्ने केही अप्रिय पात्रहरू भएको लेफ्रोयले १८०० को बारेमा बताए।

यहाँ अष्ट्रेलियाको पहिलो समुद्री डाँकू १८२६ मा देखा परेकाे थियाे। एस्पेरेन्स बे हिस्टोरिकल सोसाइटीका अध्यक्ष बेभर्ली ड्राबिकका अनुसार अमेरिकी जोन एन्डरसन ह्वेल जहाजमा किङ जर्ज साउन्डमा आइपुगे र पानीको क्रिस्टलीय शरीर जसले मिजरी विचलाई अँगालो हाले।

‘अल्बानीकाे झगडामा एक जना व्यक्तिको हत्या गरेको आरोप लागेपछि एन्डरसन डकैतिमा उत्रिए र बस्तीबाट भागे,’ ड्रविक भन्छन्।

उनले भागेका दोषीहरूको समुद्री डाँकू गिरोहको नेतृत्व गरे जसले पश्चिमी अष्ट्रेलियाकाे दक्षिणी तटमा जहाजहरू आक्रमण गर्दै वर्षौं बिताए। जुन ब्रिटिशहरूको लागि प्रमुख ढुवानी मार्ग थियो। अल्बानी नजिकका यी पानीहरू पनि मृत्युले रंगिएको लेफ्रोय बताउँछन्।

‘किङ जर्ज साउण्ड १८४० बाट ह्वेल माछा अपरेशनको केन्द्र बन्यो। र, १९०० को प्रारम्भमा यो क्रूर गतिविधि मिजरी विच छेउमा सुरु भयो। यसको शान्त पानी प्रायः मारिएका ह्वेल माछाहरूको रगतले डुबानमा पर्ने गर्थ्यो,’ उनी भन्छिन्।

त्यो त्रासले यस समुद्र तटलाई यसको अद्वितीय नाम दिएको हुन सक्ने उनकाे दाबी छ।

सन् २०१४ मा खोलिएको आधुनिक युद्ध संग्रहालय हो, जसले मल्टिमिडिया, अन्तरक्रियात्मक प्रविधि र ऐतिहासिक कलाकृतिहरू प्रयोग गरी ४० हजारभन्दा बढी अष्ट्रेलियाली र न्युजिल्याण्डहरूलाई श्रद्धाञ्जली अर्पण गर्दछ। जसले १९१४ मा अल्बानी छोडेर महायुद्धको लागि बाध्य भएको थियो।

– सिएनएन ट्राभलको सहयोगमा