रसियाले आगामी साताहरुमा युक्रेनलाई पूर्ण अतिक्रमण गर्न आवश्यक सैन्य क्षमताको ७० प्रतिशत भेला गरेको अमेरिकी अधिकारीहरुले बताएका छन्।

राष्ट्रपति जो बाइडनको नेतृत्वमा रहेको अमेरिकी प्रशासनका वरिष्ठ सदस्यहरूले वाशिंगटनमा राजनीतिज्ञहरूलाई यसैसाता दिएको पछिल्लो गोप्य सूचनामा सो उल्लेख छ। आक्रमण भएको अवस्थामा यूरोपमा शरणार्थी संकट उत्पन्न हुने अधिकारीहरुले जनाएका छन्।

रसियाली भूमिमा मध्येजनवरीदेखि हिउँ पर्ने र यसले मस्कोलाई अझै ठूला हतियार लैजान सहयोग मिल्ने अमेरिकी गुप्तचर निकायको सूचनालाई हवाला दिँदै अमेरिकी सञ्चार माध्यमहरुले यस्तो जानाकारी दिएका हुन्।

युक्रेनसँगको सीमामा रसियाले १ लाखभन्दा बढी सुरक्षाकर्मी तैनाथ गरेको छ।