बितेका पछिल्ला दुई दिनमा विवादित मिलेनियम च्यालेन्ज कम्प्याक्ट (एमसीसी) प्रकरण निकै पेचिलो बनेपछि सत्ता गठबन्धनमा ‘लगभग’ खटपटकै स्थिति बन्यो। एमसीसीकै कारण सत्ता गठबन्धन टुट्ने र नयाँ समीकरण बन्नेसम्मका ‘कोट अनकोट’ समाचारहरू सार्वजनिक भए। यद्यपि दलका नेताहरूले गठबन्धन नटुट्ने दाबीचाहिँ गरी नै रहे।
सत्ता गठबन्धनका नेतासमेत रहेका प्रधानमन्त्री शरबहादुर देउवा एमसीसी संसदमा टेबल गर्नुपर्ने र अन्य दुई (माओवादी केन्द्र र एकीकृत समाजवादी) दल संशोधनविना सम्झौताअघि बढाउनै नहुने अडानमा उभिएपछि तीन नेताबीच ‘खटपट’ को अवस्था आएको हो।
