काठमाडौंको प्रज्ञा भवनमा आइतबार एकीकृत नेकपा माओवादीका अध्यक्ष पुष्पकमल दाहाल ‘प्रचण्ड’ ले पार्टी केन्द्रीय सदस्यको नाम पढेर अनुमोदन गराए।
प्रचण्डको सूचीमा असन्तुष्टि जनाएर कसैले एक शब्द पनि बोल्न सकेन। आठौं महाधिवशेनका लागि काठमाडौंमा जम्मा भएका १७ सय ५० महाधिवेशन प्रतिनिधिले गर्न नसकेको काम प्रचण्ड एक्लैले गरिदिए।
यस्तै शैली नेकपा एमालेको चितवनमा भएको दसौं महाधिवेशनमा अध्यक्ष केपी शर्मा ओलीले अपनाएका थिए। उनले पनि केन्द्रीय सदस्यसहित सबै पदाधिकारीको नाम पढेर अनुमोदन गर्न लगाए।
भीम रावल, घनश्याम भुसाल, टंक कार्कीले विरोध गरे। अध्यक्ष, उपाध्यक्ष, सचिवसहित कतिपय क्लष्टरमा निर्वाचन भयो। प्रज्ञा भवनमा त त्यो पनि भएन।
यी दुबै महाधिवेशनको समानता एउटै छ: ओली र प्रचण्ड दुबैको प्यानल सदर भयो।
