स्पेनिस ला लिगामा लिग लिडर रियल मड्रिडले दशौँ जित निकालेको छ। आइतबार राति भएको खेलमा घरेलु टोली रियलले १ गोलले पछि परेको स्थिति उटाउदै सेभिल्लामाथी २-१ अन्तरको जित निकालेको हो।
रियलको पुनरागमन जितमा करिम बेन्जेमा र भिनिसिअस जुनियरले १-१ गोल गरे। यसअघि सेभिल्लाका राफा मिरले १२औँ मिनेटमा अग्रता बनाएका थिए।
जितसँगै रियल मड्रिड १४ खेलमा १० जितसहित ३३ अंक बनाएको छ। आइतबार राति नै भएको खेलमा एथ्लेटिको मड्रिडले काडिजलाई ४-१ गोल अन्तरले पराजित गर्याे।
एथ्लेटिकोको जितमा थोमस लेमार, एन्टोनियो ग्रीजम्यान, एन्जेल कोरिया र म्याथ्युस कोन्हाले १-१ गोल गरे।
काडिजको लागि एन्थोनी लोजानोले सान्त्वना गोल फर्काए। जितसँगै एथ्लेटिको १४ खेलबाट २९ अंक बनाएर दोस्रो स्थानमा छ।
