एसपी मल्ल प्रजातान्त्रिक गणतन्त्र कंगोस्थित शान्ति सेनामा स्वास्थ्य तथा वा১तावरण एकाइ प्रमुख हुन्। उनले कंगोको राजधानी किन्सासामा यो एकाइ स्थापनामा महत्वपूर्ण भूमिका निर्वाह गरेकी थिइन्। भाइटीकाका लागि नेपाल आएकी एसपी मल्लसँग हिमालखबरका लागि अनिता भेटवालले गरेको कुराकानीः
संयुक्त राष्ट्रसंघले तपाईँलाई ‘राष्ट्रसंघीय महिला प्रहरी अधिकृतको पुरस्कार’ प्रदान गर्ने घोषणा गरेको छ। कस्तो लागेको छ?
मेरो कामले कंगो मिसन र नेपालको प्रशंसा हुँदा खुशी लागेको छ। यसलाई सफलता मानेकी छु। अर्को, नेपाल जस्तो लैंगिक विभेद भएको ठाउँमा ‘छोरी मान्छे पनि शान्ति सेनामा विश्वभरबाट छनोट भएर पुरस्कार पाउँदो रहेछ’ भन्ने सन्देश दिन पाउँदा खुशी छु।
अहिलेसम्म वातावरण जोगाउने मिसनमा काम गरे। अझै कंगोमा धेरै गर्नुपर्ने कार्यक्रम छन्। पूर्वि क्षेत्रमा विद्युत्को पहुँच छैन। त्यहाँ वातावरणमैत्री सोलारको कसरी विकास र पहुँच पुर्याउने भन्ने अर्को मिसन पनि छ। यसमा काम गर्छु।
अर्को, विशेष यसभित्र पनि कुन क्षेत्रमा र कसरी काम गर्ने भन्ने रणनीति बनाउँदै छु। यो मेरो ‘ड्रिम प्रोजेक्ट’ हो। यो पुरस्कारले त्यो प्रोजेक्टमा काम गर्न हौसला बढाएको छ।
