साफ च्याम्पियनसिप: भारत र नेपालबीचको पहिलो हाफ गोलरहित बराबरी

बिएल संवाददाता

काठमाडौं

• • •

माल्दिभ्समा जारी १३ औ साफ च्याम्पियनसिपको फाइनलमा भारत र नेपालबीच जारी खेलको पहिलो हाफ गोलरहित बराबरीमा सकिएको छ। राजधानी मालेस्थित राष्ट्रिय फुटबल रङ्गशालामा जारी खेलको पहिलो हाफमा दुवै टोलीले गोलका लागि प्रयास गरे पनि सफल हुन सकेनन्।

खेल सुरू भएदेखि नै वर्षाका कारण मैदाने चिप्लाे भएकाले खेलमा केही समस्या देखिएकाे छ। दुबै टाेलीले गाेल गर्ने केही अवसर पाए पनि त्यसकाे सदुपयाेग गर्न सकेनन्।

पाँच राष्ट्र सहभागी राउण्ड रोबिन लिगको आधारमा भएको प्रतियोगिताको शीर्ष स्थानमा रहेर भारतले फाइनल खेल्न लागेको हो। नेपालले दोस्रो स्थानमा रहेर फाइनलमा स्थान सुरक्षित गरेको हो। नेपाल पहिलाे पटक साफकाे फाइनमा पुगेकाे हाे।

• • •