नेपालको इतिहासका अरू पक्षमा जस्तै पुस्तकालयको इतिहास पनि हामीले राम्रोसँग भन्न सक्ने स्थिति छैन। तर पनि, हामी के भन्न सक्छौं भने, अहिलेभन्दा करीब १८ सय वर्षअघि लिच्छविकालका अभिलेख पाइएका छन्। ती अभिलेखले हामीलाई सबै कुरा बताउँदैनन्।
किनभने, अभिलेखमा तत्कालीन शासकहरूले प्रचार गर्न खोजेका कुरा नै बढि लेखिएको पाइन्छ। हाम्रो अध्ययन परम्परा पनि बलियो छैन। यसो भएता पनि लिच्छिविकालमा पुस्तकालयको राम्रो व्यवस्था थियो भनेर भन्न सकिन्छ।
लिच्छविकालका अभिलेखहरूको प्रकाशन वि.सं. १९३७ मा भारतको गुजरातका भगवानलाल ईन्द्रजी सर्वप्रथम गरेका हुन। लिच्छविकालका अभिलेखमा ताम्रपत्रको उल्लेख आउँछ। हनुमान ढोका दरबारमा मल्ल राजा गएपछि पनि शाह राजाहरू पृथ्वीविरविक्रम शाहको पालाको सुरूसम्म राजाहरू नै बसिरहेको हुनाले त्यहाँ कस्ता ताम्रपत्र टाँसिएका थिए, हेर्न पाइएन।
