प्रधानन्यायाधीश चोलेन्द्र शमशेर राणामाथि यतिबेला नैतिकताको प्रश्न उठेको छ।
भदौ ११ गते आफैँविरुद्धको रिटको सुनुवाइमा सहभागी भएपछि संवैधानिक इजलास गठनमा विवाद भयो। विवादपछि यो रिटको सुनुवाइमा नबस्ने निर्णय उनैले सुनाए।
तर, संवैधानिक इजलासमा प्रधानन्यायाधीशसहितले गरेको निर्णयविरुद्ध न्यायाधीश हरि फुयालले १७ गते प्रधानन्यायाधीशबिना सुनुवाइ अगाडि नबढाउन अन्तरिम आदेश दिए।
उनको आदेशसँगै भोलिपल्टको संवैधानिक इजलास नै रोकियो। फुयालले संवैधानिक इजलास रोक्दै सर्वोच्चसँग लिखित जवाफ पनि मागेको छ। अब प्रधानन्यायाधीश राणाले नै त्यसको जवाफ दिनु पर्नेछ।
