संविधानसभाबाट पहिलोपटक संविधान जारी हुने तयारी भइरहँदा मधेश आन्दोलन चर्किसकेको थियो। उग्र भइसकेको आन्दोलनमा प्रहरीका गोलीहरू बर्सिइरहेका थिए। पश्चिममा भने ‘थरुहट’ आन्दोलनको आगो बलिसकेको थियो।

‘थरुहट/थारुवान’ राज्यको माग गर्दै पश्चिम तराईमा आन्दोलन चलिरहेको थियो। यो आन्दोलन २०७२ भदौ ७ गते कैलालीको टीकापुरमा उग्र भयो।

क जना दूधे बालकको गोली लागेर मृत्यु भयो। नेपाल प्रहरीका एक जना एसएसपीसहित ८ प्रहरीको ज्यान गयो। थारुहरूका घर जलाइए। र, टीकापुर हत्याकाण्डका मुख्य दोषी बनाइए रेशम चौधरी तथा लक्ष्मण थारूहरू। टीकापुर हत्याकाण्डका मुख्य आरोपी बनाइएका रेशम र लक्ष्मणहरूलाई आजीवन काराबासको सजाय सुनाइयो।

रेशम अहिले पनि सदरखोरमा जेल जीवन बिताइरहेका छन् भने लक्ष्मणहरू फरार छन्।