काठमाडौं महानगरपालिकाले ‘ऐतिहासिक’ खुल्लामञ्चलाई खाली गराएको छ।
महानगरले सडकमा हुने विरोध सभालाई खुल्ला मञ्चमै गर्नसक्ने गरी खुल्लामञ्च खाली गराएको हो।
काठमाडौं महानगरपालिकाले खुल्लामञ्चमा सारिएको बसपार्क पनि गत वैशाख १५ देखि खाली गराइसकेको छ।
पुरानो बसपार्कबाट सञ्चालन हुने सवारी साधनलाई २ तरिकाबाट व्यवस्थापन गरिएको छ।
छोटो दूरीका सार्वजनिक यातायात पिक एन्ड ड्रप प्रणालीबाट सञ्चालनमा रहेका छन् भने काठमाडौं उपत्यकाबाहिर जाने मध्यमदूरीका सवारीसाधन नयाँ बसपार्कबाट छुट्ने व्यवस्था गरेको महानगरले जनाएको छ।
महानगरका पूर्वाधार प्रमुख राम थापाले खुल्लामञ्चमा रहेका सबै पूर्वधार हटाइसकेको जानकारी दिए।
थापाले महानगर खुल्लामञ्चको सबै सामग्री हटाए पनि त्यहाँ तत्काल त्यहाँ मानिसहरुलाई जम्मा हुन दिने कि नदिने भन्ने विषयमा महानगरले छलफल गरिरहेको बताए।
‘खुल्लामञ्च खाली भए पनि अहिले नै त्यहाँ विरोधसभा गर्न दिने वा नदिने भन्ने विषयमा महानगर छलफलमै रहेको छ’, थापाले भने।
