डा. मित्रबन्धु पौडेलले स्विट्जरल्यान्डको स्विस म्यानेजमेन्ट स्कुलबाट ‘इम्प्लोई रिटेन्सन’मा ‘इमोसनल इन्टेलिजेन्स’को भूमिकाबारे पीएचडी गरेका छन्। एलए कलेज अफ म्यानेजमेन्टका प्राचार्य डा. पौडेल साहित्य र समसामयिक लेखनमा पनि रुचि राख्छन्। उनीसँग देशसञ्चारले लिएको अन्तर्वार्ता:
० इमोसनल इन्टेलिजेन्सको कन्सेप्टबारे बताइदिनुस् न?
— यसको कन्सेप्टबारे बुझ्नुभन्दा पहिला इमोसन्सबारे जान्नु जरुरी हुन्छ। ‘इमोसन’ ल्याटिनबाट आएको शब्द हो। यसको अर्थ हो ‘मुभ अवे’ अर्थात् अगाडि बढ्नु। इमोसनल इन्टेलिजेन्सबारे कुरा गर्दा एडवर्ड थ्रोनडाइकले १९२० मा सोसल इन्टेलिजेन्सको कन्सेप्ट ल्याए। त्यहाँबाटै इमोसनल इन्टेलिजेन्सको ओरिजिन सुरु भा’को मानिन्छ। त्यसपछि रेभरोन बारोन भन्ने अर्का एक जना इमोसनल इन्टेलिजेन्समा काम गर्ने व्यक्ति हुनुहुन्छ, उहाँका अनुसार संवेगात्मक भाव चार्ल्स डार्विनको सुरुवाती दिनमै उनको सिद्धान्तसँग आभारभूत रूपमा आउँछ। सर्भाइभल र एडप्टेसनको जगमा इमोसन अडिएको छ। हवार्ड गार्डनरले पनि मल्टिपल इन्टेलिजेन्सको कुरा गर्नुभएको छ।
