सर्वोच्चको आदेशसँगै आज (मंगलबार) कांग्रेस सभापति शेरबहादुर देउवाले प्रधानमन्त्रीको सपथ ग्रहण लिदैछन्।

सपथ ग्रहण लिएसँगै देउवाले आजै सानो मन्त्रिपरिषद गठन गर्ने बताइएको छ।

देउवा नेतृत्वको सरकारमा आफ्नो पार्टीबाट को-को मन्त्रीहरु पठाउने भन्नेबारे ठोस निर्णय गर्न अहिले पेरिसडाँडामा माओवादी केन्द्रको स्थायी कमिटी बैठक बसिरहेको छ।

स्रोतले दिएको जानकारी अनुसार आज माओवादी केन्द्रबाट दुई मन्त्रीले सपथ लिने सम्भावना छ, जसको लागि नेताहरु जनार्दन शर्मा, देव गुरुङ, देवेन्द्र पौडेलको नाम चर्चामा छ।