न गास छ, न बास छ, न त सत्तामा कोही खास छ
अन्नदाता आमाहरुको अस्पतालको पेटीमै बास छ।
उनको घरमा पजेरो भिड, मेरो घरमा लास छ
बाच्छु भन्ने त छैन यहाँ, न त मलामी पाउने आश छ।
तिमिसँग जितको लड्डु, आलिशानको लस्कर छ
मेरो गाउँमा जिउँदो लासमा, खेल्ने तिम्रो तस्कर छ।
तिम्रो किचन सोफा सेटको, मेरो किचन रोडको
सन्तान ठानी सत्ता दिए, भोको रहेछाै नोटको।
न मलामी, न त साईकल, घरमा लासको गन्ध छ
तिम्रो घरमा लावालस्कर, फूलै फूलले मन्ध छ।
फूलको गन्ध लावालस्कर, सिटामोल नि लिन्छौ कि
पजेरो त छैन मसंग, लासमा लिफ्ट दिन्छौ कि।
