धन्यवाद प्यारी
तिमी र म
त्यस बेला उत्तेजनामा आयौँ
तिम्रो जोसका सामु
मैले होस गुमाएँ जसरी
एकैछिन अन्धकार छायो
तिमीले खै कसरी?
मेरो मथिङ्गलमा
तिम्रा धारिला बचनका बिजहरूले
गर्भधान गरिछौ प्रिय।
त्यो गर्भ
केही समय
मानस्पटलमा मडारिइरह्यो
म निकै बेर पीडाले छट्पटिएँ
अन्ततोगत्वा त्यही गर्भ
मेरो मस्तिप्क छिचोल्दै
सिर्जनाकाे रूपमा फुत्त निस्कियो
तिमीलाई सान बढेझैँ भए होला प्रिय
तर
मैले आनन्दानुभूति गरैँ।
त्यसैले
फेरि फेरि पनि
तिमीले त्यस्तै गरिरहनु है प्रिय!
