सोमबार गण्डकीका मुख्यमन्त्री पृथ्वीसुब्बा गुरुङविरुद्ध दर्ता भएको अविश्वासको प्रस्तावमाथि मतदान हुने कार्यसूची थियो।
यसअघि मतदानकै दिन बिरामी भएका राष्ट्रिय जनमोर्चाका सांसद खिमविक्रम शाही तंग्रिसकेका थिए।
उनले अविश्वासको प्रस्तावकै पक्षमा मतदान गर्ने भएपछि मुख्यमन्त्री गुरुङविरुद्धको अविश्वास प्रस्ताव पारित हुने निश्चित थियो।
अविश्वासको प्रस्ताव पारित भएपछि स्वभाविक रुपले विपक्षी गठनबन्धनले सरकार बनाउँथे।
विपक्षीहरुले संविधान अनुसार नै नेपाली कांग्रेसका संसदीय दलका नेता कृष्णचन्द्र पोखरेल नेपालीलाई मुख्यमन्त्रीमा प्रस्ताव गरेका थिए।
तर, अचानक आइतबार मुख्यमन्त्री गुरुङले राजीनामा दिए।
उनले अविश्वासको प्रस्ताव सामना गरेनन् बरु मुख्यमन्त्रीले राजीनामासँगै धारा १६८ को उपधारा २ बमोजिम सरकार गठन गर्न माग गरे।
