स्वाधीनतामा पनि बन्ध कस्तो
दामी थियो देश भएछ सस्तो
यो न्यूनताले कतिमा छुने हो
खै के भयो खै अब के हुने हो ॥१॥
गोली चलाएर जमात मार्यो
स्वर्णाभ धर्ती रगताम्य पार्यो
के चीज छर्की खत यो धुने हो
खै के भयो खै अब के हुने हो ॥३॥
अन्धो बनी राज्य चलाउँदैछ
बच्चा युवा वृद्ध ढलाउँदैछ
यो ताडनाले कति झन् रुने हो
खै के भयो खै अब के हुने हो ॥२॥
आतङ्ककारी खल दृष्टलाई
सत्तासनी बाट छिटै हटाई
ती शीर्ष नेता कहिले फुने हो
खै के भयो खै अब के हुने हो ॥४॥
