धनुषाको ढल्केवरमा प्रदेश २ स्तरीय सितोरियो कराँते छनोट प्रतियोगिता हुने भएको छ।
ढल्केवर सितोरियो कराँते डोजोको आयोजनामा यही चैत ११ गते ढल्केवरस्थित महेन्द्र माध्यमिक विद्यालयको खेल मैदानमा प्रदेश २ स्तरीय सितोरियो कराँते छनोट प्रतियोगिता हुने छ।
प्रतियोगितामा प्रदेश २ का आठ वटै जिल्लाबाट विभिन्न उमेर समुहका महिला र पुरुष खेलाडीले भाग लिने आयोजकले जनाएको छ।
धनुषाको धनुषाधाम नगरपालिकाको धारापानीमा आयोजना हुन लागेको राष्ट्रिय सितोरियो कराँते प्रतियोगिताका लागि खेलाडी छनोट गर्न प्रदेशस्तरीय प्रतियोगिताको आयोजना गरिएको प्रशिक्षक दलबहादुर बुलनले जानकारी दिए।
यस प्रतियोगिताबाट छनोट भएका खेलाडीले राष्ट्रिय प्रतियोगितामा भाग लिन पाउने छ।
