बुटवल – पूरानो बुटवलको उत्तरी भाग। निमचोकको रातो र सेतो रंग लगाएको घरले ध्यान तान्छ। पूरानो शैलीको यो घरको चमकधमक अर्कै छ।
यो पूरानो हैन, धेरै पूरानो घर हो। करीब २ सय वर्ष पूरानो। यो घर मणिराज मास्के परिवारको हो।
फौज्दार मणिराज मास्के सन् १८७१ मा नेपाल र अंग्रेज युद्धताका सहयोग गर्नेमध्येका एकजना हुन्। मणिराजले पूरानो बुटवलमा सेनालाई रासनपानीको व्यवस्था गर्न यो घर बनाएका थिए।
त्यही घरबाट रासनपानी जीतगढी किल्ला र त्यसआसपासका सेनालाई पुर्याइन्थ्यो। २ सय वर्षअघि बनेको त्यो घर पूर्वी बुटवलमा मास्के परिवार सरेपछि अलपत्रजस्तै थियो। ६२ वर्षअघि घरको पुनर्निर्माण भयो। पुनर्निर्माण भएपनि घर अलपत्रजस्तै भयो।
अलपत्र परेको घर फिल्मी दुनियाँको रंगमा खेल्ने जाँगरिला र फुर्तिला निर्देशक गणेशदेव पाण्डेको नजरमा पर्यो। यी फुर्तिला निर्देशकले काठमाडौँको बागमती करिडोरमा चियावाला नामको क्याफे खोलेर चियासँगको आफ्नो पारिवारिक बिरासतलाई निरन्तरता दिएका थिए। बुटवलमा पनि मणिराजका छोरा सञ्जीव र गणेशको कुरा मिल्यो। सञ्जीवले गणेशलाई घर भाडामा दिए।
