अन्तराष्ट्रिय म्यागाजिन भेराइटी इन्टरनेशनल वुमन इम्प्याक्टले सार्वजनिक गर्ने विश्वभरका प्रभावशाली महिलाहरुको सुचीमा बलिउड नायिक दीपिका पादुकोणपनि परेकी छन्।
उक्त अन्तर्राष्ट्रिय म्यागेजिनले हरेका वर्ष श्रमिक दिवसको अवसरमा विश्वभरका प्रभावशाली व्यक्तीहरुको सुची सार्वजनिक गर्दै आएको छ। चलचित्रमा क्षेत्रमा उल्लेखनिय योगदान दिएबापत दीपिकाको नामपनि प्रभावशाली ब्यक्तीहरुको सुचीमा परेको हो।
भेराइटीको रिपोर्टमा लेखिएको छ, ‘बलिउड स्टार दीपिका पादुकोणले एसिड हमलाबाट बाँचेकी महिलाका विषयमा एक सामाजिक फिल्म ‘छपाक’ निर्माण तथा अभिनय गरेकी छिन्।’
बलिउडमा नायिका दीपिकाको राम्रै चर्चा छ। उनी सफल नायिकाको रुपमापनि चिनिन्छन्। दीपिकाले सन् २००७ मा चलचित्र ‘ओम शान्ति ओम’बाट बलिउडमा डेब्यु गरेकी थिईन्।
