राष्ट्रिय खेलकुद परिषदको कार्यक्रम अनुसार नेपाल क्रिकेट संघ (क्यान)द्वारा आयोजित मेयर कप पुरुष एक दिवसीय क्रिकेट प्रतियोगिताको प्रत्यक्ष प्रशारण डिशहोमले गर्ने भएको छ।
यस सम्बन्धमा डिश मिडिया नेटवर्क र क्यान बीच समझदारी भएको छ।
कीर्तिपुरस्थित त्रिवि क्रिकेट मैदान र मुलपानी मैदानमा फागुन २२ बाट सुरु हुने प्रतियोगितामा तीन विभागीय टोली, बागमती प्रदेश र काठमाडौँ महानगरपालिकाको टोली गरी पाँच टोलीले प्रतिस्पर्धा गर्नेछन्।
दुबै प्रतियोगिता डिश मिडिया नेटवर्कको एक्सन स्पोर्टस् एचडी तथा एसडी च्यानलले प्रत्यक्ष प्रशारण गर्नेछ।
यसअघि दाङमा भएको प्रधानमन्त्री कप महिला प्रतियोगिता र काठमाडौँको कीर्तिपुर तथा मुलपानी मैदानमा पनि प्रत्यक्ष प्रसारण गरेको थियो।
