सरकारले नेत्रविक्रम चन्द विप्लव समूहसँग वार्ता गर्नका लागि दुई सदस्यीय टोली गठन गरेको छ।
गृहमन्त्री रामबहादुर थापा बादल र प्रधानमन्त्रीका परराष्ट्र सल्लाहकार राजन भट्टराई रहेको वार्ता टोली गठन गरिएको सरकारका प्रवक्ता सञ्चार तथा सूचना प्रविधिमन्त्री पार्वत गुरुङले जानकारी दिए।
मंगलबार आयोजित पत्रकार सम्मेलनमा सञ्चारमन्त्री गुरुङले उनीहरूलाई लागेका मुद्दाहरूलगायतका विषयमा वार्ताबाटै समस्या समाधान हुने बताए।
सरकारले वार्ता टोली बनाइसकेपछि विप्लव समूहबाट पनि वार्ता टोली गठन गरेर छिटो भन्दा छिटो वार्ता हुने विश्वास रहेको मन्त्री गुरुङले बताए।
उनले द्वन्द्वपूर्ण सबैलाई शान्ति प्रक्रियामा ल्याउन सरकारले प्रयास गर्ने बताए।
