भारतिय चलचित्र क्षेत्रको अहिलेकी चर्चित मोडल तथा नायिका रकुल प्रीती सिंहले सुरुमा आफुले मोडलिङ करियर सुरु गर्दा निर्देशकहरुले बेईजत गरेको खुलाएकी छन्।
पछिल्लो समय उनले दिएको एक अन्र्तवार्तामा भनेकी छन्, '२००८ मा मैले मोडलिङ सुरु गर्दा धेरै निर्देशकहरुले मेरो बेईजत गरे। त्यतीबेला मलाई यो फिल्ड नै छाडौ की भन्ने लागेको थियो।'
उनलाई आजभोली त्यो क्षण सम्झदा नरमाईलो लाग्छ। सन २००९ मा कन्नड चलचित्र 'गिल्ली'मा काम गरेपछि उनको बेईजत गर्नेहरुको मुखमा ताल्चा लाग्यो।
चलचित्र 'गिल्ली'मा उनको सुन्दरताको मात्रै चर्चा भएन, अब्बल अभिनयको पनि चर्चा भयो। सन् २०१४ मा पढाई सकेर उनले साउथ स्टारहरु जे एन्टी आर र अल्लु अर्जुनसगँ काम गरिन्। त्यसले उनको चर्चा बलिउडसम्म पुर्यायो। फलस्वरुप बलिउड नायक अजय देवगनसगँ पनि काम गर्ने मौका पाईन्।
हालसम्म उनले बलिउड, तमिल र कन्नड गरी २० भन्दा बढि चलचित्रहरुमा मुख्य भुमिकामा काम गरिसकेकी छन्। पछिल्लो समय उनी सफल नायिकाको रुपमा परिचित छिन्।
