प्रतिनिधिसभा विघटन, महँगी र महिला हिंसाकोविरुद्ध नेकपा प्रचण्ड पक्षले बिहीबार मानव साङ्लो बनाएर टुँडिखेल घेराउ गरेको छ।
केन्द्रीय संघर्ष समितिको घोषणा अनुसार बिहीबार अपराह्न चार बजेदेखि ५ बजे एक घण्टा टुँडिखेल घेराउ गरेको हो।
मानव साङ्लोका लागि उपत्यकाका जिल्ला कमिटी र जनवर्गीय संगठनहरु परिचालन भएका थिए।
उनीहरुले ब्यानर, झण्डा, प्लेकार्ड, भेषभुषा र बाजागाजासहित टुँडिखेल घेराउ गरेका हुन्।केन्द्रीयस्तरका नेताहरु समेत मानव साङ्लोमा सहभागी भएका थिए।
