हलिउड अभिनेता, लेखक, निर्माता तथा निर्देशक जर्ज क्लुनीले आफू राजनीतिमा प्रवेश गर्न लागेको खबर झुटो भएको बताएका छन्।

ओके म्यागजिनसँग कुरा गर्दै उनले राजनीति गर्ने मान्छेको जीवन अत्यन्तै कठिन हुने र आफूले त्यस्तो कठिनाई भोग्न नसक्ने बताए। 

आफूलाई सामाजिक कार्यमा रुची भएको र सानोतिनो कामहरु गर्ने गरेको उनले बताए। क्लुनीले भने, ‘राजनीतिमा मेरा धेरै मित्र छन्। म उनीहरूको सम्मान गर्छु।’ 
६ मे १९६१ को दिन लेक्जिङटन, केन्टकीमा जन्मेका क्लुनीले अभिनय गरेका केहि चर्चित सिनेमामा ‘द मिड नाइट स्काई’, ‘इ आर’, ‘ग्रेभिटी’, ‘द अमेरिकन’, ‘सिरियाना’, ‘द पिसमेकर’, ‘आर्गो’ आदि हुन्।