एक पटक निन्द्रा देवीको
स्पर्श पाउन परिश्रम गरिरहेका
ती व्यक्तिहरूलाई सोध
निन्द्रा कसरी लाग्छ भनेर
निन्द्राको लागि डन्लोपमा
छटपटाएका कति मानिसहरूका लागि
सिमलको भुवाको तकियाले बिझाउँदा
सुत्नै सक्तैनन्
कतिले त श्राप काटिरहेका हुन्छन्
कहिले निन्द्राको आनन्द नपाऊन् भनेर
 
तर सुकुलमा
यसै लडेको
एउटा मान्छेलाई
निन्द्राले यसरी माया गरेकी हुन्छिन् कि
धर्तीमा शिर पर्नेबित्तिकै
उ स्वप्न संसारभरको
वादशाह भइसकेको हुन्छ
त्यो आनन्द
सिमलको भुवाले बिझाएर
सुत्न नसकेकाहरूले
कसरी पाउन सक्छन् र ?