ब्रेन्टफोर्डमाथि सहज जित निकाल्दै टोटेनहम इंग्लिस फुटबल लिग कारावाओ कपको फाइनलमा प्रवेश गरेको छ।
घरेलु मैदानमा मंगलबार राति भएको खेलमा टोटेनहमले ब्रेन्टफोर्डमाथि २–० को सहज जित हात पारेको हो।
टोटेनहमको जितमा मोउसा सिस्सोको र ह्युङ मिन सनले गोल गरे।
खेलको १२औं मिनेटमा नै सिस्सोकोको गोलबाट टोटेनहमले खेलमा अग्रता लिएको थियो।
७०औं मिनेटमा ह्युङ मिन सनले गोल गर्दै टोटेनहमलाई २–० को सहज जित दिलाए।
८४औं मिनेटमा ब्रेन्टफोर्ड १० खेलाडीमा समेटिएको थियो। पिएर इमिल होब्जजर्गमाथि गम्भीर ट्याकल गरेपछि रेफ्रीले भिएआरको सहायता लिदै जोसुवा डासिल्भालाई सिधैँ रातो कार्ड खाए।
अब टोटेनहमले उपाधिका लागि म्यानचेस्टर युनाइटेड र म्यानचेस्टर सिटीबीचको विजेतासँग खेल्नेछ।
