पछिल्लो समय विभिन्न कारण देखाउँदै विद्युत कटौती गर्न थालेपछि विद्युत प्राधिकरण आलोचित बनेको छ ।
प्राधिकरणका प्रवन्ध निर्देशकबाट कुलमान घिसिङ बाहिरिएसँगै बत्ती जाने दर बढेपछि उपभोक्ताहरू आक्रोशित भएका हुन् ।
प्राधिकरणका प्रवन्ध निर्देशक घिसिङ आफ्नो ४ वर्षे कार्यकाल सकेर औपचारिक रूपमा गत भाद्र २९ गते विदा भएका थिए ।
कुलमान बाहिरिएको समय भाद्र २९ देखि पुष १६ गतेसम्म प्राधिकरणले विद्युत कटौतीको ४९ वटा सूचना निकालेको छ । प्राधिकरणले विभिन्न कारण देखाउँदै ३ महिना १६ दिनको अवधिमा ४९ पटक विद्युत कटौतीको सूचना सार्वजनिक गरेको हो ।
