नेपाली राष्ट्रिय क्रिकेट टिमको प्रमुख प्रशिक्षकमा नियुक्त भएका डेभ वाटमोरले आफू नयाँ चुनौतीको पर्खाइमा रहेको बताएका छन्।
नेपाल क्रिकेट संघ (क्यान) ले बिहीबार आगामी जनवरी १ तारिखदेखि लागू हुने गरी वाटमोरलाई प्रशिक्षक नियुक्त गरेको थियो।
वाटमोरले आगामी जनावरी १ देखि नेपाली टिम सम्हाल्नेछन्।
नेपाली टिमको प्रशिक्षक बनेका ६६ वर्षीय वाटमोरलाई अन्तर्राष्ट्रिय खेलाडी र प्रशिक्षकका लागि व्यवस्थापन हेर्दै आएको कम्पनी फर्स्ट स्पोर्ट्स इभेन्ट्ले ट्विटरमा बधाइ दिएको छ।
फर्स्ट स्पोर्ट्सले दिएको बधाइको प्रतिक्रिया दिँदै वाटमोरले धन्यवाद दिँदै अगाडि ठूलो काम भएको र आफू चुनौतीको पर्खाइमा रहेको लेखेका छन्।
वाटमोरसँग आइसिसीको स्थायी सदस्यका टिमलाई प्रशिक्षण गराएको अनुभव छ।
सन् १९९६ मा श्रीलंकाले एकदिवशीय विश्वकप क्रिकेटको उपाधि जित्दा वाटमोरका टोलीका मुख्य प्रशिक्षक थिए।
