दुई दिन लगातार बढेको शेयरबजार मंगलबार 'करेक्सन' भएको छ ।
नेप्से सूचक ५.७५ अंकले घटेर २०६१.४१ विन्दुमा अडिएको छ ।
नाफा बुक गर्नेहरु सक्रिय हुँदा मंगलवार बजार प्रभावित भएको हो । शेयर परिसुचक २१ सय अंक पुगेपछि फर्किएको हो ।
पछिल्ला दिनहरुमा नेप्सेले क्रमशः नयाँ उचाईहरु बनाउँदै गएको छ । ३ दिन राम्रोसँग विस्तार भएको बजारमा थोरै करेक्सन आउनुलाई सामान्यरुपमा लिइएको छ ।
पछिल्ला दिनहरुमा बजारको औसत प्रवृत्ति वृद्धितर्फ देखिएको छ ।
माइक्रोफाइनान्स र जीवन बीमा र बैंकिङबाहेक बाँकी सबै समूहका सूचक तल झरेका छन् ।
मंगलबार २०५ कम्पनीको करिब ६ अर्ब रुपैयाँको कारोबार भएको छ ।
९७ लाख ५५ हजार भन्दा बढी कित्ता सेयर कारोबार भएको छ । आधा दर्जन कम्पनीको भाउ ९% भन्दा बढीले वृद्धि भएको छ ।
खरिदबिक्री रकममा नेपाल लाइफ इन्सुरेन्स अग्रस्थानमा छ ।
यसको ५२ करोड ३८ लाख रुपैयाँभन्दा बढीको कारोबार भएको छ । दोस्रोमा पुनर्बिमा र तेस्रोमा नेपाल बैंक परेका छन् ।
