नेपालमा पछिल्लो २४ घण्टामा थप १२ सय १७ जनामा कोरोना संक्रमण पुष्टि भएको छ।
जम्मा ७२ सय ३२ पीसीआर परीक्षण गर्दा उनीहरुमा संक्रमण देखिएको स्वास्थ्य तथा जनसंख्या मन्त्रालयले बताएको हो।
मन्त्रालयका अनुसार बिहीबार नयाँ थपिएकासँगै नेपालमा कोरोना संक्रमितको संख्या २ लाख ४५ हजार ६ सय ५० पुगेको छ।
यसैगरी पछिल्लो २४ घन्टामा कोरोनामुक्त भएर १ हजार ६४ जना डिस्चार्ज भएका छन्।
हाल नेपालमा २ लाख ३१ हजार ६०१ जना कोरोनामुक्त भएका छन्। यो सङ्ख्या कूल संक्रमितमध्ये ९४.२८ प्रतिशत हो।
योसँगै नेपालमा सक्रिय संक्रमितको संख्या १२ हजार ३ सय ८६ पुगेको छ।
त्यस्तै नेपालमा पछिल्लो २४ घन्टामा थप १२ जनाको मृत्यु भएको मन्त्रालयले जनाएको छ।
योसँगै कोरोना संक्रमणबाट मृत्यु हुनेको संख्या १ हजार ६ सय ६३ पुगेको छ।
