पर्सा प्रहरीले लागूऔषधसहित दुई जनालाई पक्राउ गरेको छ।
बारा कलैया उपमहानगरपालिका ९ रामपुर बस्ने २० वर्षीय रोशन साह कलवार र २९ वर्षीय चन्दनप्रसाद कुशवाहालाई पक्राउ गरेकाे प्रहरीले जनाएकाे छ।
पक्राउ परेका दुबै जनाको साथबाट लागूऔषध इन्जेक्सन फेनारगन, डाइजेपाम र नुर्फिन १८ सय एम्पुल बरामद गरिएकाे छ।
सोमबार दिउँसो हातमा झोला बोकी साथीलाई कुरेर बसेका वीरगञ्ज महानगरपालिका २५ मौजे श्रीसियाका रोशनलाई शंकाको आधारमा चेकजाँच गर्दा लागूऔषध बरामद गरिएकाे थियाे।
उनकै बयानकाे आधारमा साँझ ७ बजे कलैयास्थित बालमन्दिर अगाडिको सडक खण्डबाट ना २० प ६४२८ नम्बरको मोटरसाइकलमा सवार चन्दनलाई पक्राउ गरिएको जिल्ला प्रहरी कार्यालय पर्साका प्रहरी प्रवक्ता मनोजित कुँवरले बताए ।
उनीहरुमाथि अनुसन्धान भइरहेकाे छ।
.jpg)
