वायर्न म्युनिखले जर्मन बुन्डेसलिगा अन्तर्गत शनिबार भएको खेलमा बोरुसिया डर्टमुन्डलाई ३-२ ले पराजित गरेको छ।
घरेलु टोली डर्टमुन्डले सुरुवाती अग्रता लिएपनि त्यसलाई जोगाउन नसक्दा हार बेहोर्नुपर्यो।
४५ औं मिनेटमा कप्तान मारको रिउसले गोल गर्दै अग्रता दिलाएका थिए।तर उक्त अग्रता पहिलो हाफसम्म पनि टिकेन।
इन्ज्युरी समयको चौँथो मिनेटमा डेविड अलावाले फ्रिकिकमा गाेल गर्दै खेल बराबरीमा ल्याए। पहिलो हाफमा नै रोबर्ट लेवान्डोस्कीले गोल गर्दै अग्रता दिलाएपनि भीएआरले उक्त गोललाई मान्यता दिएन।
४८ औँ मिनेटमा लेवान्डोसकीले गोल गर्दै खेेल २–१ मा पुर्याए। ८० औँ मिनेटमा लेरोय सानेले गोल गर्दै अग्रता दोब्बर पारे।
८३ औँ मिनेटमा एर्लीङ हालान्डले डर्टमुन्डका लागि गोल फर्काएपनि जितकाे लागि पर्याप्त बनेन।
जितसँगै वायर्न लिग तालिकाको शीर्षस्थानमा उक्तलिएकाे छ। वायर्नको ७ खेलमा १८ अंक छ भने दोस्रो स्थानको लाइप्जिगको १६ र डर्टमुन्डको १५ अंक रहेको छ।
