तिमीले बुनेका सपनाहरू
बोकेको दशकौं भइसक्यो
सपनाहरुमा ढुसी परिसके
ढुसी बोक्ने बानि परिसक्यो
म केही समय होसमा हुन्न
बेहोस भएछौ भनेर नभन्
यादहरु भुलेछौ भनेर नभन।
तिमीले साटेका आँखाहरू
बोकेको दशकौ भइसक्यो
आँखाहरुमा चाउरी परिसके
आँखा बोक्ने बानि परिसक्यो
म केही समय होसमा हुन्न
बेहोस भएछौं भनेर नभन
यादहरु भुलेछौ भनेर नभन।।
तिमीले छाडेको बैशको ठिटो
बोकेको कैयौ दशक भैसक्यो
शरीर भरि हिमाल फुलिसके
हिमाल बोक्ने बाँनि परिसक्यो
म केही समय होसमा हुन्न
बेहोस भएछौ भनेर नभन
यादहरु भुलेछौ भनेर नभन।
तिमीले साटेका चोखो माया
बोकेको कैयौ दशक भइसक्यो
माया खिल बनेर बसेको छ
बेहोसमै बाँच्ने बानि परिसक्यो
होसमा आँउन भनेर नभन
यादहरु भुलेछौ भनेर नभन।
