दक्षिण भारतीय फिल्मकी अभिनेत्री रागिनी द्धिवेदी ड्रग्स कारोबारको आरोपमा पक्राउ परेकी छिन्।
अभिनेता सुशान्त सिंह राजपूतको आत्महत्या प्रकरणमा ड्रग्सको मुद्धा अगाडि आएपछि नारकोटिक्स कन्ट्रोल ब्यूरो (एनसीबी) ले छानवीन गर्ने क्रममा रागिनीको पनि नाम आएको छ।
सुशान्तको मुद्धामा प्रहरीले प्रेमिका रिया चक्रवर्तीका भाई शौविकलगायत करिब आधा दर्जन व्यक्तिलाई पक्राउ गरेर सोधपुछ गरेको थियो। जसमा रागिनीको नाम पनि खुल्न आएको थियो।
यसपछि बेङ्गलुरु प्रहरीले उनलाई सोधपुछका लागि बोलाएको थियो। तर, उनी प्रहरी चौकीमा उपस्थित नभएपछि ४ अगस्टमा उनलाई पक्राउ गरिएको थियो। उनले प्रहरीको छानवीनमा सहयोग गरेकी छैनन्।
त्यसैले प्रहरीले सोमबार बेङ्गलुरुको अदालतमा उपस्थित गराउँदै थप पाँच दिनका लागि कानुनी हिरासतमा लिएको छ।
ड्रग्स मुद्धामा रागिनीसहित ५ जना पक्राउ परेका थिए। रागिनी कन्नड फिल्ममा अभिनय गर्छिन। सेन्ट्रल क्राइम ब्राञ्चले १२ मध्ये ६ जनालाई पक्राउ गरिसकेको छ। जसमा अफ्रिकन नागरिक पनि रहेका छन्।
