बलिउड नायिका मलाइका अरोरालाई पनि कोरोना पुष्टी भएको छ। ‘इन्डियाज बेष्ट डान्सर’का निर्माता रंजित शर्माले भारतीय मिडियासँग कुरा गर्दै मलाइकालाई कोरोना पुष्टी भएको बताएका हुन्।
उनले मलाइकालाई कोरोना देखिएपछि वुधबारसम्मलाई शोको छायांकन रोकेका पनि बताएका छन्। यो शोको मेकरले अब अन्य २ निर्णायकलाई राखेर शोको छायांकन गर्ने तयारी गरेको छ।
मलाइकाको स्वास्थ्य अवस्थाको बारेमा केही पनि बताइएको छैन। उनी होम क्वारेन्टाइनमा नै रहेको जनाइएकाे छ
केही हप्ता अगाडि मात्र नायक अमिताभ बच्चन, अभिषेक बच्चन र नायिका ऐश्वर्या राय कोरोनाबाट मुक्त भएका थिए। भारतमा दैनिक ९० हजारसम्म कोरोना संक्रमित देखिएपनि बलिउड मेकरले सुरक्षा विधी अपनाएर छायांकन सुरु गरेका छन्।
आइतबार बिहान मात्र बलिउड नायक अर्जुन कपुरले आफूलाई कोरोना पोजिटिभ देखिएको बताएका थिए। अर्जुनलाई कोरोना पुष्टी भएको केही घन्टापछि बलिउड नायिका मलाइकालाई पनि कोरोना पुष्टी भएको हाे। मलाइका र अर्जुन केही बर्षदेखि प्रेम सम्बन्धमा छन्।
अर्जुनलाई कोरोना संक्रमण देखिएपछि आफू होम क्वारेन्टाइनमा बसेको बताएका थिए।
