२० भदौ, काठमाडौं । कोरोना भाइरस (कोभिड-१९) संक्रमण भएर शुक्रराज ट्रपिकल तथा सरुवा रोग अस्पताल, टेकुमा भर्ना भएका ३० वर्षे युवकको फोक्सोको सिटी स्क्यान रिपोर्ट हेरेपछि चिकित्सकहरु नै छक्क परे ।
नेपाली चिकित्सकहरुले कोरोना भाइरसको महामारी भर्खर सुरु हुँदा चीनको वुहानका कारोना संक्रमितहरुको सिटी स्क्यान रिपोर्टहरु सम्भिmए । दीर्घरोग नभएका ३० वर्षे नेपाली युवकको सिटी स्क्यान रिपोर्ट पनि त्यस्तै थियो । कोरोना संक्रमणका कारण निमोनिया भएर उनको दुबै फोक्सोमा पानी जम्मा भइसकेको थियो ।
त्यो सिटी स्क्यान रिपोर्ट हेरेपछि उनलाई बचाउन सक्छौं त भन्ने चिकित्सकहरुलाई लागेको थियो । तर, प्रयास गरे । रेमडेसिभिर चलाए, अक्सिजन दिए । अन्ततः उनी ठीक भए ।
