‘यस्तो भीड गर्ने हो भने त कोरोना नै किचिएर मर्छ ।’ बिहान ८ बजे बजारमा तरकारी किन्न गएका एक ग्राहक ठट्टा गर्दै तरकारी छान्दै थिए ।

गोलभेडा छान्दै गरेकी एक जना महिला कराइरहेकी थिइन् । ‘अलि पर पर सर्नुस न हो दाजुभाई दिदीबहिनी ।’

कोही तरकारी छान्न नपाएर भीडमा मिसिएर पालो पर्खिरहेका थिए । व्यापारी पनि बिहानको ९ बजेभित्र धेरै व्यापार गर्ने चटारोमा थिए ।

तरकारी व्यापारी दधिलाल घिमिरे भन्छन्, ‘तरकारी किन्न आएकालाई भिड नगर्नुस भनेर उल्टै धपाउने कुरा भएन हजुर । हामीले पनि यस्तो बेला दुई चार पैसा तरकारी बेचेर बाँच्नुप¥या छ । डर छ के गर्नु अहिले ९ बजेपछि ‘बन्द गर्छस् कि बजाइदिऊँ’ भन्दै भाटो लिएर पुलिस आउँछन् । हामीलाई चाहिँ कोरोनाको डर नभएको हो र हजुर ?’