प्रकाश न्यौपाने
पछिल्लो समय देशभर कोरोना संक्रमण तीव्र रुपमा बढ्दो छ। समुदायस्तरै संक्रमण फैलिएकाले मानसिक भयले गर्दा आमनागरिक अत्तालिएका छन्। एकअर्काको घरमा आउजाउ बन्दजस्तै छ। कतिले मेरो घरमा नआइदिनुहोला र म तपाइँको घरमा पनि आउँदैन भन्ने सन्देश सामाजिक संजालमा राखिरहेका छन्।
त्रसित नागरिलाई आत्मबल बलियो बनाउन सहयोग गर्ने कमै छन्। यस्तो अवस्थामा उनीहरुलाई नजिकबाट ढाडस दिने को होला? एउटै उत्तर– आफन्त वा स्थानीय जनप्रतिनिधि। आफन्तसँगै आफूले चुनेको प्रतिनिधिले ढाडस दिँदा पक्कै पनि नागरिक खुसी हुन्छन्। रुपन्देहीको सिद्धार्थनगर नगरपालिका–१२ का जनप्रतिनिधिले वडाबासीलाई संक्रमणसँग जुध्न ढाडस मात्रै दिएका छैनन्, उनीहरुको स्वास्थ्यलाई ख्याल गरि कोरोना बीमासमेत गराइरहेका छन्।
