हाल विश्वलाई नै कोरोना कहरले गाँजेको छ । नेपाल मात्रै यसबाट अछूतो हुने कुरै भएन । गत २०७६ चैत्र ११ गतेबाट आरम्भ भएको औपचारिक लकडाउनले करिब ४ महिना निरन्तरता पायो । यसपछि लकडाउनलाई केही खुकुलो गरिएपनि सरकारी कार्यालय, उद्योग, व्यापार, शिक्षालगायत कुनैपनि क्षेत्र स्वाभाविक लयमा फर्किन सकेको छैन ।
यस अवधिमा यस पंक्तिकारलाई धेरै सञ्चारकर्मीले सोध्नुभएको प्रश्न भनेको, सरकारी कार्यालय लकडाउनका कारण बन्द भएपछि कर्मचारीको तलब पनि रोक्नुपर्ने होइन ? यस अवधिमा कर्मचारीले कसरी तलब पाउँछन् ? तलब भनेको काम गरेपछि पाउने ज्याला होइन र ? यदि हो भने कामै नगरेको बखत कसरी ज्याला दिने ? अनेक तर्क–वितर्कसँग आप्mनो अनुभव साटासाट गरिरहेको छु । आज भने यस विषयमा आप्नो अभिमत अघि सार्ने ध्येयले यो आलेख तयार गरेको छु ।
