प्रकाश न्यौपाने
प्रदेश पाँचका तराईका जिल्लाहरुमा कोरोना भाइरसको संक्रमण समुदायस्तरमै फैलिइसकेको छ।
यस प्रदेशका पहाडी जिल्लाहरुमा पनि संक्रमण फैलने क्रम जारी छ। संक्रमण फैलिँदै जाँदा अधिकांश जिल्लामा प्रशासनले लकडाउन तथा निषेधाज्ञा जारी गरेको छ। स्थानीय तहहरुले आफैं पनि लकडाउन गरिरहेका छन्।
निश्चित समय तोकेर अत्यावश्क वस्तु खरिदबिक्री गर्न दिइएको छ। बजार खुला रहने बेला सर्वसाधरणको तरकारी तथा खुद्रा पसलहरुमा भीडभाड हुने गरेको छ।
