डिजाइनर टेकवीर मुखियाले रफ भनेर दिएको लोगोलाई थप बिगारेर फाइनल गरी वितरणसमेत गरियो, विरोधपछि फेरि बनाउन थालियो, प्रयोग भएको सबै खेर जाने भयो, खर्च कसले बेहोर्ने निश्चित भएन
– संघीय संसद्को लोगोमा दुई लाल सुनको जलप र एक तोला चाँदीको बेस लगाइएको छ । प्रतिलोगो पाँच हजार पाँच सय २७ रुपैयाँ खर्च भएको सचिवालयको भनाइ छ ।
.............
संघीय संसद्् सचिवालयले २० लाख खर्चेर बनाएको प्रतीक (लोगो) संघीय सांसदलाई फटाफट वितरण गरेको छ । तर, वितरित लोगोमा विवाद जन्मिएको छ । मुलुकको नयाँ नक्साअनुसार तयार पारिएको लोगो केही सांसदले नलगाउने बताएका छन् । नयाँ प्रतीक चिह्नका डिजाइनर ८७ वर्षीय टेकवीर मुखियाले पनि आफूले सामान्य ‘रफ’ गरेको लोगो संसद् सचिवालयले छानेकामा असन्तुष्टि जनाएका छन् ।
