अभिनेता अभिषेक बच्चन पनि कोरोना मुक्त भएका छन्। २८ दिनपछि उनी कोरोना मुक्त हुँदै घर फर्किएका छन्।
बलिउडका महानायक तथा पिता अमिताभ बच्चन गत हप्ता नै कोरोना मुक्त भएर घर फर्किसकेका थिए। अमिताभले छोरा पनि कोरोना मुक्त भएपछि खुसी व्यक्त गरेका छन्।
यी दुबैलाई कोरोना संक्रमणका कारण ११ जुलाईमा मुम्बईस्थित नानावटी अस्पतालमा भर्ना गरिएको थियो। २२ दिन आइसोलेसन वार्डमा बसेपछि ७७ वर्षीय अमिताभ २ अगस्टमा घर फर्किएका थिए।
अभिषेककी श्रीमति तथा नायिका ऐश्वर्या राय बच्चन तथा उनको छोरीलाई पनि कोरोना भएको थियो। तर, उनीहरू छिट्टै कोरोना मुक्त भएका थिए।
