इन्टर मिलान युरोपा लिग फुटबलको क्वाटरफाइनलमा प्रवेश गरेको छ। बुधबार राति भएको अन्तिम १६ को खेलमा गेटाफेमाथि २–० को जित दर्ता गर्दै इटालियन क्लब इन्टर मिलान क्वाटरफाइनलमा प्रवेश गरेको हाे।
खेलकाे ३३ औँ मिनेटमा रामेलु लुकाकुले गोल गरेर इन्टरलाई सुरुवाति अग्रता दिलाए। यस्तै ८३ औँ मिनेटमा क्रिष्टियन एरिक्सनले गोल गरेर इन्टरलाई २–० को जित दिलाए।
पहिलो लेग कोरोना भाइरसको महामारीका कारण रद्द भएकाले दोस्रो लेगकै खेलबाट इन्टर मिलान अन्तिम ८ मा पुगेको हो।
अब मिलानले सेमिफाइनल प्रवेशका लागि बायर लेभरकुजन वा रेन्जरबीचका विजेताकाे सामना गर्ने छन्।
