ओपनर जोनी बेयरिष्टोले ४१ बलमा ८२ बनाएपछि इङ्ल्यान्डले आयरल्यान्डविरुद्धको दोस्रो एकदिवसीय अन्तर्राष्ट्रिय खेलमा चार विकेटको विजय हासिल गरेको छ। जितसँगै तीन खेलको शृंखलामा इङ्ल्यान्डले २-० को अग्रता लिएको छ। 

साउथह्याम्पटनमा टस जिटेर ब्याटिङ गरेको आयरल्यान्डले निर्धारित ५० ओभरमा ९ विकेट गुमाएर २१२ रन बनाएको थियो। २१३ रनको लक्ष्य घरेलु टीमले ३२.३ ओभरमा ६ विकेट गुमाएर पूरा गरेको थियो। 

इङ्ल्यान्डका एडिल रसिदले ३४ रन दिएर तीन विकेट लिए। यससँगै एकदिवसीय अन्तर्राष्ट्रियमा रसिदको १५० विकेट पूरा भएको छ। रसिदबाहेक डेबिड विले र सकिब महमुदले समान दुई विकेट लिँदा रिसे टोप्ले र जेम्स भिन्सको नाममा एक एक विकेट रह्यो। 

आयरल्यान्डका लागि कर्टिस कम्फरले ६८, सिमि सिंहले २५, एन्डी म्याकब्रिनले २४ तथा लोर्कान टकरले २१ रन बनाए। 

इङ्ल्यान्डका बेयरिस्टोले १४ चौका र २ छक्कासहित ८२ रन बनाए। उनले २१ बलमा अर्धशतक बनाउँदै कीर्तिमानीसँग बराबरी गरेका छन्। बेयरिस्टो, मोइन अली र कप्तान इयान मोर्गान शून्यमा आउट हुँदा विलेले ४७, साम विलिङ्सले ४६ रन बनाए। 

आयरल्यान्डका जोस लिट्लेले तीन तथा कम्फरले दुई विकेट लिए।