युवराज श्रेष्ठ
पोखरा-३१ पचभैयाका ७५ वर्षीय रेवतीरमण पौडेल र उनकी श्रीमती ६९ वर्षीया शान्तादेवी पौडेलका छोराछोरी छैनन्। सन्तान जन्माउने आशाले उनीहरू अस्पताल नगएका होइनन्। गण्डकी प्रदेशकै ठूलो पश्चिमाञ्चल क्षेत्रीय अस्पतालमा उपचार गर्न गए पनि उनीहरूका सन्तान भएनन्।
रेवतीरमणका परिवारमा उनीमात्र नि:सन्तान भने होइनन्। चार भाइमध्ये कान्छाका मात्र छोराछोरी छन् भने बाँकी तीन भाइ नि:सन्तान छन्। बुढ्यौलीले छोप्दै जाँदा सन्तानको आशा नै मरेर गयो। बच्चा जन्मिने सम्भावना पनि रहेन।
धेरैले बुढ्यौलीको सहारा मान्ने छोराछोरी नभएकोमा उनीहरूलाई अहिले कुनै सन्ताप छैन।
‘अचेलका छोराछोरीले नपाल्न पनि त सक्छन् नि,’ शान्तादेवीले भनिन्।
