चीनको सिन्जियाङ प्रान्तमा कोरोनाको नयाँ संक्रमित भेटिएपछि करिब ६ सयभन्दा बढी उडानहरू रद्ध गरिएको छ।
चीनमा हाल संक्रमितको संख्या ८३ हजार ६ सय २२ पुगेको छ, जसमा ४ हजार ६ सय ३४ जनाले ज्यान गुमाएका छन्।
बिहीबार २४ वर्षकी एक महिलामा कोरोना सकारात्मक भेटिएको थियो। चीनको उहान शहरबाट सुरु भएको कोरोना भाइरस संक्रमणबाट हालसम्म विश्वमा १ करोड ४० लाखको हाराहारीमा मानिसहरू संक्रमित भइसकेका छन्।
जहाँ ५ लाख ९४ हजारको हाराहारीमा मानिसको ज्यान गएको छ।
चीनले कोरोनालाई नियन्त्रणमा लिएको बताइएपनि बेलाबेलामा विभिन्न शहरमा छुटपुट संक्रमित देखिएका छन्।
कोरोना संक्रमणलाई रोक्न चीन सरकारले निकै कडाई गरेको छ।
