जसको कमजोरी र खेलाँचीले पार्टी यो अवस्थामा पुग्यो, त्यसलाई सच्याउनुको विकल्प छैन। कमजोरी नसच्याउने हो भने चाहनाले मात्रै अब नेकपा एकीकृत रहन्न।
२०७४ सालमा सम्पन्न आम निर्वाचनबाट ऐतिहासिक जनमत प्राप्त गरेको नेपाल कम्युनिष्ट पार्टी (नेकपा) अहिले गम्भीर संकटमा फसेको छ। पार्टीमा देखापरेका समस्या हल गर्न बोलाइएको स्थायी कमिटी बैठक जारी रहेकै बेला पार्टी विभाजन हुने खतरा देखिएको छ।
पार्टी यो अवस्थामा कसरी पुग्यो? दुईवटा पार्टीलाई एकताबद्ध पारेका नेताबीचमै यतिसम्म अविश्वास किन बढ्यो?
यसका पछाडि मूलतः पाँच वटा कारण जिम्मेवार छन्। त्यसमा सुधार गर्न सकियो भने मात्र फुटको संघारमा पुगेको पार्टी एकताबद्ध हुनेछ र हामीले परिकल्पना गरेको समाजवादतर्फको यात्रा अगाडि बढ्नेछ। यहाँ तिनै पाँच कारणबारे विस्तृतमा चर्चा गरौं।
